Home   |   Kontakt   |   Werbung   |   Team   |   Links   |   Newsletter
 
Musik nonstop
Jetzt läuft:
Mark Ronson f… | Nothing Break…

Sarina Wälti

Volontärin Moderation


Das bini

Ufgwachse bini z Zoubrügg, im wunderschöne Ämmitau. Dert läbeni übrigens immerno, es isch eifach so schön da. I bi gwungrig u wet geng neus Lehre. Darum hani o nach mire KV Lehr u dr Bruefsmatur gwüsst, iz muesi öpis Neus u am beste öpis gaanz Angers mache. Am liebste zum Radio - das hani nämlech scho aus Ching geng wöue. U iz, tatsächlech, i darf es Praktikum aus Moderatorin bim neo1 mache.

Das hani gärn

Scho ir Schueu hani mini Liideschaft zum Theater entdeckt. Sit mehrere Jahr dueni darum bi verschidnige Stück mitspile, u das machtmer riise Spass!

Wenni nid grad ufdr Bühni stah oder am Probe für z neue Stück bi, fingtme mi a irgendäme Konzert, am Wandere ide Bärge u Ämmitaler Höger, mite Kollege ungerwägs oder ame Familieusflug. Es mues ömu immer öpis ga, bi mir.

Das hani nid gärn

Das wo öpe aui, Striit, unehrlechi Mönsche, u nei, nid Spinnele – sondern Höigümper! Siteme chliine Vorfau ider Chindheit, wo ä Heugümper z gfüeu het gha, er mües mit mir cho bade, hani die Fiicher gar nümme gärn.

»Mail an Sarina senden

  • Das aktuelle Sportbulletin:

     

    Das aktuelle Newsbulletin: