Home   |   Kontakt   |   Werbung   |   Team   |   Links   |   Newsletter
 
now on air: neo1-DJ
Jetzt läuft:
Aron Schmid | Drum & Bass

Lara Kipf

Moderation


„Du bisch ja nie ume!“ Das isch nid numä ä böse Vorwurf vo mine Fründe u mire Familie, sondern di füdleblutti Wahrheit. Woti abmache, bruchi ganz zwingend mi Kaländer. Schaffe und Unihockey mache haut ä sehr grosse Teil vo mim Läbe us. U beides macheni Liideschaftlech gärn. Äs heisst ja schliesslech geng i heig äs grosses Muu. Auso hani vor paar Jahr beschlosse, das grosse Muu o sinnvou ihzsetzä. So bini zum Radio cho. Und ganz ehrlech? I cha jede morge ufstah u dänke: I liebe mi Job. Ke Witz! Es git aber ono angeri Sache woni liebe. Unihockey zum Bischpiu. Oder ässe isch o ganz höch im Kurs. Mi fingtmä auso öfters ir Haue woni mit dä Skorps treniere oder äbä, bim ässe. Fasch egau was, houptsach öppis wo fuehret. Ferie macheni de es ungrads Mau o, am liebschte am Meer. Bim Touche hani zwar nid di roseroti Brüue anne u glich chani derbi aues um mi ume vergässe. Ah und de wäre da ono Kollege. Di hani tatsächlech o. Di versuecheni de näbem schaffe, 3x treniere u Mätsche spile ono z’gseh. U mini Familie natürlech o. Aber dank mim gäbige Arbeitswäg vo Änggistei uf Langnou, isch das ja aues kes Problem. Das isch übrigens grad ä witere Punkt woni liebe - z’wohne ufem Land. Und di freiiä Wucheänd. Weni schüsch nüt los ha, lahni im Usgang gärn mau d’Sou use. Aber wi heissts ja so schön: Niemer isch perfekt. Und i schaffe übrigens o nid dran ;)

»Mail an Lara senden

  • Das aktuelle Sportbulletin:

     

    Das aktuelle Newsbulletin: