Home   |   Kontakt   |   Werbung   |   Team   |   Links   |   Newsletter
 
Hockey-Live
Jetzt läuft:
neo1 | mein radio

Jana Wyss

Redaktion


Hallo zäme, i bi d Jana u schaffe ir Redaktion vo neo1.
I bi im Ämmitau ufgwachse, wohne ize aber z Bärn, wüu i das Stadtläbe oh mau wott usprobiere. Wäg mine Liebschte Lüt bini aber oh i mire Freizyt gengno viu hie ume ungerwägs. Ga loufe chame hie eifach scho besser aus z’Bärn!
Usprobiere tueni übrigens augemein sehr gärn. Sigs bim Choche, weni eifach mau sibe verschidni Sache ine Pfanne schiesse u luege was passiert oder bim Musig lose, einisch queerbeet dür aui Richtige. Ussert Yoga und öppe mau Serie luege begleitet mi drum bis ize oh kes Hobby würklech fürne längi Zyt i mim Läbe. I mache haut gärn das, was mi grad gluschtet: Klavier spile, Spanisch lehre, Photoshop entdecke, Tanze, imene Chor singe, Aquarell male und und und. I ha eifach das Gfüeu so gärn, weni mi mit öppis nöiem cha beschäftige, woni no nid aues weiss drüber. Darum schaffi oh so gärn bim Radio. Da fingi am Morge imene Interview use, warum das d’Schuurumplanig für Gmeinde hie ume e riise Useforderig cha sii, am Namittag beschäftigi mi dermit, warum das Unverpacktläde u Pumptracks ir Region wie Piuze usem Bode schiesse u frage no bire Expertin nache warum das Schlittle gfährlecher cha sii aus Skifahre. Die Viufaut kombiniert mit schribe u rede - wär mi kennt weiss: das macht mi happy. U da bim neo1 merki haut würklech jede Tag: Me het nie usglehrt. U darum, chame säge, isch das ä Art Motto vo mir: Eifach nie ufhöre derzue z’lehre!

»Mail an Jana senden

  • Das aktuelle Sportbulletin:

     

    Das aktuelle Newsbulletin: